اقتباس:
المشاركة الأصلية كتبت بواسطة عمر الأسمر البنتان
مصافحة أولى :
:": يوم الربوع :":
الضيقة اللي خانت(ن) ياخوي في يوم الربوع
هاضت بقلبي وأشعلت بين الحشا نيرانها
سبة فراق اللي غلاته نحت في حدب الضلوع
الصاحب اللي صدته متقوي (ن)شيطانها
كتبت فيه أشعاري الشرد توجد ..نوع..نوع
وقريحة الشاعر لحبه تسدي بقيفانها
ياكثر مايخطي علي وياكثر ماشخصه قطوع
ياكثر مانفسي تقابل زلة بغفرانها
مرة من المرات شفت اللي لشوفه قمت أفوع
اللي له النفس الأبية هاجرت أوطانها
في داخلي رعشة وفي عيني تهجاي الدموع
وعروقي تدور دماها من ضما شريانها
ثم قمت أرحب به وأهلي تاركٍ كل الجموع
خواطر العاشق تجازي صدته بإحسانها
أنا كذا طبعي ليامن عودت يم الطبوع
أقابل السية بحسنة والصفح عنوانها
تعال قرب لي وشف قلبي على بعدك يموع
تعال شف دنياي بعدي كشرت نيبانها
تعال أنا حالي ببعدك لاعه أقسى الهم لوع
كني غرقت وباخرتك يصدها ربانها
طفيت في بعدك شموعي وإنطفت كل الشموع
نفسي لعب فيها غلاك وبعد شخصك هانها
والضيقة اللي خانت(ن) ياخوي في يوم الربوع
هاضت بقلبي وإنطفت بين الحشا نيرانها
وسلامتكم
الشاعر / عمر الأسمر البنتان
|
عمر
يا شينها الضيقة لا خانت الرجل ثم باح مكنونه
حضور الغيم بالمطر
تقابله الارض ( بربيعها )
هلابك عد ما الضيقه بصدري تجول
صح لسانك شاعر يعرف البداية اكيد نجمة بيسطع