حضوور جديد وفي معيتي وللمرة الثانية
الشاعر الفذ عبدالرحمن بن صليهم
الكلـمـه الـلـي مـا تـجـي فـــي محـلّـهـا
طـالـبــك يـا ذيـبــان : جــنّــب وخـلّــهــا
تضر ّ الفتى في بعض الأحيـان كلْمتـه
وبعـض المواقـف يصعـب أحيـان حلّـهـا
وكــم واحــد ٍ سـبّـب لـسـانـه مصيـبـتـه
مـن كلمـة ٍ (هـذرا بهـا ) مافطـن لـهـا
وجـرح المشاعـر بالحكـي يولـد العـدا
سيـوف ٍ علـى المسلـم حـرام ٍ تسلّهـا
تنقّـى جميـل الهـرج .. واتـرك سوامجـه
ترى الناس مثلك .. تكـره اللـي يعلّهـا
وترى الكلمه الزينـه مثـل وارف الشجـر
ولو ما اثمرت لك طيب .. يكفيك ظلّها
وترى قلوب خلق الله صناديـق (مقفلـه)
ولاغـيـر فـعـل الطـيـب يـقـدر يحلّـهـا
ولا تجعـل المعـروف فــي غـيـر صاحـبـه
ترى الطيب مع بعض العرب مثل ذلّها
.
.
تقديري
هيــــاااا