مرحباً بالجميع
قصيدة متواضعه أتمنى أن تجد لها مكان وسط قلوبكم النقية
.................
.
.
بالبسك تاااج الملك
حبيبي يسألني بثقة وش كثر بالله تحبني= قلت المحبه يالغلا فوق التصور باكملـَــه
والله ياأغلا بشر مافيه مثلك شدني= وان كان شاهد لك تبي فهذا قلبي وسألـَــــه
وايقن باني يالهوى في حبك والله معتني=حبك بقلبي مستقر بالمستحيل ابدلـَـــه
ولاتظن تسقط صاحبي من عيني او متهمني=لانك بعيني كالنظر وشلون بقوى واهملـَـــه
ولا تشك في حبي ابد واصدق حبيبٍ عدني= وقلبك بربي يالغلا بالحب غير امولــَــــه
واسقيك من كاس الغلا وارويك حتى تهتني=وذوقك طعمه حلا كنه شهد من منحلـَـــــه
هذا شعوري هكذا وحبك بجد احتلني = ولافيه مثلك بالتقي ابد ابد وافضلــَــــه
وياك تسألني لما وكيف وهلا افدتني= لان بصراحه ذا السبب ماقوى ابد اعللـَــــه
ابختصر كل الكلام واقول تكفى ضمني=مشتاق حيل لضمتك ولخدك كيف اقبلـَـــــه
ومابين رمشك والهدب تكفى ياخلي حطني=وخذني بيدّينك طفل يامهجتي ودللـَــــه
وياك تتركني وحيد وارجوك تكفى لمني=واجعلني من قلبك قريب بُعدك انا ماتحملـَـــه
ابعتبر قلبك أنا ياسيدي هو مسكني=وانت اعتبر انك هنا داخل في قلبي ونازلـَــــه
وابيك تسكن داخلي وتشوف عينك ماعني=بنيت لك بالقلب عرش تفضل اجلس جملـَــــه
بالبسك تاج الملك واعيش عمري مهتني=مادامني في سلطتك الحزن كله بازهلـَـــــه
واقسم ترى مازل عنك والشك لامايهزني=ولاني تراني ملتفت للي يثير البلبلـَـــــــه
أصبحت لي بالجسم روح وبقربك لي أنعشتني=يعني حياتي بين أيديك ماهي ياروحي مجاملـَــه
واقسم لك بربي قسم واللوم للي يلومني=لصون حبك صاحبي والخاين ربي يخذلـَـــه
واذا حصل وابعدت عنك تأكد اني بكفني=وقلها صراحه للملا الموت هو اللي اعزلـَــــه
ولا تحزن وتبكي علي ابيك بس تحلني= في وقتها ياعزوتي كلٍ يجازى بعملـَــــه
واذا به خلي من هنا عن الكلام يردني= ويقوللي بصوت الحزن هذا كلامك أجلـَــــه
وارجوك ياماجد بعد على البكاء لا تحدني= والصدر من قولك يضيق والنار فيني تشعلـَـــه
انا في حبك واثقٍ وادري وش كثر تعزني= موقفك بين يالهوى ماقدر أبد أتجاهلـَــــه
والا سؤالي عابرٍ في لحظةٍ ومرني= ولا فيه شكٍ بيننا وارجوك انه المسألـَــه
ووعدك ببقالك محب في كل لحظه تشوفني= وشوف وجهك دائماً ياسيدي وتأملـَــــه.
............
وسلامتكم