انا اشهد اني ضايقا" بين الاحباب=وترا الفتى لاضاق يزبن خواله
والجفن ماله غير رمشه والاهداب=رمش" غطا والرمش الاخر ظلاله
ماهي سوالف ليل وجروح وعتاب=ولاهي سوالف عشق بعيون هاله
السالفه اكبر من قفول وابواب=واكبر من اللي ماتت امه قباله
همي بصدري والهواجيس ترتاب=وذاك الجواب اللي ذبحني سواله
ياخال..لاصارت تقاسيم واحزاب ؟=ولاصار شيخ القوم للناس عاله؟
ولاصار راع الذنب تخضع له ارقاب؟=يامر وينهى تحت ستر العداله
هو باقي" للعز والدم طلاب؟=يرفى خمال اللي تبين خماله
وياخال وش باقي على كل مرقاب؟=دامه بدل يمناه يرفع نعاله
لحقت على عطر الشوارب والاشناب=واللي تنخى بس طشة عقاله
ماقلت لك..صقرا"أكل لحمه الداب=وشلون اجل لامات راع الدخاله