السلام عليكم ورحمة الله وبركاته
قصيده موجهه للاخ : بدر بن فالح الغضوري العنزي في حضوري في حفل زواجه . اضعها امامكم :
لاجات بحروف الشعر الدسم والمعنى الجزيل = عاداتنا نضرب على دسم الحروف وجزالها
أغرف من ابحور الشعر النادر الحرف الجليل = وابعد عن الهزله ولا انزل على منزالها
وان جات بالمدح والثنا فأنت الاصيل ابن الاصيل = انا اشهد انك بالمراجل شاربن فنجالها
يابدر بن فالح كذا دايم على العليا تعيل = وتكسب مراجل يابدر والخيل من خيالها
ياصاحبي لك منزله مابين ضلعي المستطيل = اشهد شهادت حق وقولوا الهبداني قالها
بالطيب طيب وبالمواقف وقفة السيف الصقيل = لاصاح صياح المعارك وينهم ارجالها
من ساس وايل صاحبي عدوهم برضه قتيل = ياكم راس من العدو بين المناكب شالها
من خلقت الدنيا ولا نرضى على القمه بديل = تشهد على قولي الارض اسهولها وجبالها
بالطيب قبلك والدك طيبه على ربعه دليل = تاج المراجل ابن ماطر بالرجوله نالها
يابو عبدالله لك سلام ازكى من ماء السلسبيل = تحيتن مني لشخصك واستلم اوصالها
حيث المراجل ماتبي غيرك يابن ماطر كفيل = والله لو في بعدها بعد الثريا جالها
غضاورتن تظهر اليا شبت على راس الفتيل = لهم فعايل بالمعارك يوم دق اطبالها
وان جات حزات المكارم في مكارمهم جميل = وان كان تبغالك دليل أنظر لصفر ادلالها
لي الفخر يعيال وايل دمنا نفس الفصيل = حاضر والبي دعوتك والله لو اعنالها
وسلامتكم