{ مدخل
آآآه من ضيـــــــقةٍ مرّت وعيّت تروح
وآآآآه من عبــــرةٍ بين الضلوع تحدي
سامح الله زمانٍ بالمواصــــل شحوح
جاد لي بالمفارق لين صرت وحدي !
عايشٍ دون ما اشعر كن مالي طمـوح
كن حـــــــزني يغرّب فرحتي وسعدي
ما اصعب العمر لا من صار كله جروح
كل ما طاب جرح يجيك جـــرح يعدي !
وأصعب الصمت صمتٍ بالتعاسة يبوح
أبجديات حـــــــــزن ٍ دربها سرمـــدي
وأصعب الحب حب ٍ في غموضه وضوح
مثل حــلـــم ٍ يـمـــــــــوت بدون ما يبتدي
}