[البحتري]

من ناظري دمعي على الخد مسكوب = ومن الحوادث شاب راسي وانا شاب
لالذ لي زادن ولا حلو مشروب = ولا لموق عيني طيب الكرى طاب
لاشك ما يجري على العبد مكتوب = طول الزمان وكل شىء له أسباب
وأنا سبب قتلي ضحى شفت رعبوب = يضحك ويومي لي وهو من ورا الباب
من قبل شوفي له وأنا كان ابا اتوب = ومتركن عني هوى تلع الأرقاب
هايف حشا عنقه كما الشاخ مسلوب = و الردف عزالن لوسطه وجذاب
ومبيسمن كن العسل فيه مذيوب = إن ذاق سلساله ضجيج الهوى طاب
والعين خرسا كنها عين يشبوب = وجدايلن من فوق الامتان سكاب
طرشت انا لمورد الخد مندوب = يقول لي مرسول معسول الأنياب
ترى خليلك قال لي قل لمحبوب = عينه تباري للقمر خامسه غاب
وانسبت له في جنح ليلن ولاهوب = عيب إلى خل على خله انساب
لولا الحيا نطيت من راس مشذوب = وانوح نوح الورق واجيب ما جاب
وقطفت وردن فيه بالناز مكتوب = كالآس ياسي له لمن كان طلاب
وخلي سقاني كاس وصله على الدوب = وبنيت له في مسجد القلب محراب
قولي انا من عقب ما دار دالوب = وصرف النيا وافق بتفريق الاحباب
لاحزن يعقوب ولا صبر أيوب = حزني ولاصبري على تلع الأرقاب
يا الله يا مولاي ياخير مطلوب = يا اللي إلى ما ساله العبد ما خاب
تجعل موازيين المحبه على الدوب = بيني وبين مورد الخد بالباب
ختمي صلاتي عد ماسار مندوب = يمشي بعقد الصلح مابين الاحباب