يازارعـه حنظـل بتلويعـة أهاتـي
وياشايله بالخطـأ جلبـاب سكينـي
وش باقي ً من عيون الليـل ماباتـي
والسهر يرسم على خـدك عناوينـي
يابنت دام الهوى من ضمن غلطاتـي
باكسر غرامك قبل يكسـر سكاكينـي
زلـه ولازم اصحـح كـل زلاتــي
واعلمك من اكـون ؟ وليـه تعنينـي
يابنت حوى يمـوت الحـب بسكاتـي
ولافيه بنت" بكت من صدهـا عينـي
عاملتك بطيبتي ماقلـت لـك هاتـي
مديت كفي ولابغـى مـن يجازينـي
رسمت حبك علـى هامـة مداراتـي
رفعت قدرك علـى شانـك هويتينـي
قريتـك اول غـلا يسكـن كتاباتـي
وكتبتك اول حروف العشـق بسنينـي
الين شفتـك علـى نوتـة نهاياتـي
تعزف مواويل صـدك فـي شرايينـي
ومادام رحتي ماهي باكبـر معاناتـي
حلم" كبر وانتهى فـي راحـة يدينـي
كم قلت لك لاتغرك بيـض ضحكاتـي
لاشان وقتي يصير الطبع بـه شينـي
الى هنا بـس .. تكفينـي متاهاتـي
يعني اختصار الحكي ((ماعاد تعنيني))
انتي خسرتي وانا ربحت بـك ذاتـي
ياكبر حزنك مـادام انـك خسرتينـي
واليوم ابانساك وانسى بـك بداياتـي
ماسامحك لو تجي وتبـوس رجلينـي
للمبدع دوما
مزيد المزيـــد