اقتباس:
المشاركة الأصلية كتبت بواسطة عبدالله عايد
السلام عليكم
اسعد الله جميع اوقاتكم
اتمنى ان تنال على قليلا ً من رضاكم ..
البارحة .. ليل ٍ ولا شفت زيه = جاني بحالك ظلمته ما دهاني
ليل ٍ فرق من مقدمه عن سويه = ليل المفارق والغلا والاماني
ياليل كبوات النوايا البريه = وثقل القرار ليا نطق به لساني
والعيطموس ام الجروح النديه = مابين صكات الضلوع المحاني
البارحة جتني بنيه .. ونيه = مضرب مثل كيف الدلع .. للغواني
الارض .. من خطواتها مزهريه = ولون السما .. من فوقها ارجواني
جتني تسابق رجلها المخمليه = حتى دخلت عندي وزارة مكاني
وقبل السوالف .. دنة الهاشميه = واروت هدب عين ٍ سواده رواني
ان سلهمت .. سوا على الخد فيه = وان ارمشت .. يا طووول وقت الثواني
ثم شبكت يدّينها في يديه = فلت علوم ٍ سرها ما خفاني
تقول مظلومة وذيه .. وذيه = وان الخطا موجود به شخص ثاني
في وصفها .. شخص ٍ بلاها بليه = احرج تواضعها تصرف اناني
اهدى لها .. ثم بادلته الهديه = غنى لها .. ثم بادلته الاغاني
حتى احست بارتكاب الخطيه = فزة .. طواها بالبطى ما طواني
تدخلني بربي .. وتدخل نبيه = انسى خطاها لو خطاها نساني
وانا نسيت الارض والجاذبيه = نسيت قلب ٍ من جفاها يعاني
وتطري علي ّ حروف شعر ٍ قويه = للفارس الضرغام جزل المعاني
( خري وانا راكان زبن الونيه = ما يشرب القفوات كود الهداني )
بيت ٍ لحاله ما يردد حليه = كنه على شاني .. ولا هان شاني
صح الله لسانه حميد السجيه = من عقبها يا صح ربي لساني
يابنت .. انا من لابة ٍ وايليه = واسمو بنفسي عن مكان الطماني
مدام رحتي .. ما بقى لك بقيه = وليا رجعتي .. رجعتك ما تعناني
لني مع الوافي دروبي وفيه = واحاول اعطي فوق ماهو عطاني
واهل الخيانه .. مالهم بي حظيه = شموخ جدي .. عن عطاهم حداني
(وعذر الخطا) .. لا صار مثله خطيه = مثل الرسوب بمرحلة دور ثاني
|
.
.
على الرغم من ألم الخيانة ووجع البعد
لاتزال القلوب الوفية تنبض بالصدق والجمال
وليبقى الرضى بالقضاء والقدر جميل بالصبر والاحتساب
.
.
الشاعر المميز دائماً .. اخوي
عبدالله عايد
صح الله لسانك مدد مهو عدد
وربي يسلمك على هالنبض والبوح والفكر
أبيات ارتوت بالمعاني التي تريدها
فخرجت راائعة وقوية وشامخة
أُهنييك عليها
وفي تووق لـِ جديدك دائماً شاعرنا
تقديري
هيـــــاااا