من منطلق رفع الامور المكلفه=لقيت لي مبدأ يساير هالحياه
مبدأ يقول ان اتساع المعرفه=تعطيك فرصه تتجه اي اتجاه
لو كان انا من فطرتي كنت اعرفه=احتاج اعير لمنهجه وقف انتباه
اصحح الفكر الخطا واستسخفه= والعاقل اللي لاعرف صحح خطاه
والجاهل اللي فكرته تستنزفه=الناس تتقدم واهو يرجع وراه
واذا بغيت تعدله ماتوقفه= على طريقه للخطا يخطي خطاه
مبادئه في واقعه متخلفه=مايعرف اصحابه ولا يعرف عداه
جلبابه الجهل العنيد ومعطفه=يمشي على دربه غبي على عماه
واحيان تسمع له تبي تستلطفه= واحيان ودك ما تبي تجلس معاه
بس الاكيد ان الحياه المعرفه=واللي فقدها جهزو حفلت عزاه