أغيب و أغيب و أعود مجددا وفي نيتي القراءه فقط
ولكن مواضيعك دائما تحرك فيني الرغبه بالرد
الإهمال بصراحه هذي مشكلة العالم العربي كافه
المدارس اتخرج والجامعات المحليه والعالميه اتخرج ولكن كل هالخريجين ماهو مصيرهم؟!
يا أما البيت أو وظيفه مالها علاقه بتخصصه أبد
والمشكله اذا تحرك الواحد قال حنا جامعاتنا اتخرج ونرسل طلبه يدرسون برا طيب اهتموا فيهم وكملوا جميلكم من الألف إلى الياء
في عندنا عقول ذكيه وعباقره وناس لها اكتشافات واختراعات ومحاولات لكن للأسف محد اهتم باختراعاتهم ولا احد تبنى موهبتهم شي طبيعي بيروحون برا دام المسؤولين في ديرتهم يفضلون الأجنبي!!
أنا كم مره صرت قايله (بلانا منا و فينا) !!
الحين برجع أقولها
فعلا (بلانا منا وفينا)
أنا مالوم الاسرائيليين واليهود والغرب لو استباحوا دماءنا ولو احتقرونا
اذا حنا يالعرب ماعزينا أنفسنا ولا أهتمينا في بعض كيف نبيهم يحسبون لنا حساب!!!
في أي دوله عربيه أي مشكله أمنيه حرب أو ارهاب على طول كل سفاره تتصل على مواطينها ويطالبونهم بالعوده أو أقل شي انهم ينتبهون على أنفسهم
وحنا ربعنا بس فالحين بالخش والدس ومافيه شي مافيه شي
وضع يقهررر واذا حنا ماوقفنا لبعض محد بيوقف لنا ولا احد بيعبرنا
<--- وحده مقهوره
أدري شطحت ونطحت بس قرعة الموت جرتني لمواضيع نهايتها تؤدي للموت
خالد المسيبي
ادام الله مداد قلمك
وأنار الله فكرك
وكل عام وانت بخيــر