عرض مشاركة واحدة
قديم 02/12/07, (07:02 PM)   المشاركة رقم: 1
المعلومات
الكاتب:
عبدالله عايد
اللقب:
شاعر
الصورة الرمزية
 
الصورة الرمزية عبدالله عايد

البيانات
التسجيل: 22/04/05
العضوية: 104
الدولة: نجد
المشاركات: 1,633
بمعدل : 0.22 يوميا
معدل التقييم: 64
نقاط التقييم: 54
عبدالله عايد يستحق التميز


الإتصالات
الحالة:
عبدالله عايد غير متصل
وسائل الإتصال:

المنتدى : منتدي الشعراء
افتراضي مـلـهـمـة عـبـدالـلــه

اسعد الله جميع اوقاتكم بكل خير

قصيدة اتمنى ان تنال على رضاكم



سلام يا دق الغرام وجلّه = يامالكة مهجة فؤادي كلّه
متمركية من شرقه ليا غربه = تطبخ معاليقه وثم تزلّه
متقهوية نزف الخفوق العاشق = شعر ٍ تحفا به وشعر تفلّه
دلوعة فيها براءة طفله = تذبح متيمها ولا تفطن لّه
جاني هجوم رموشها المتظافر = سود ٍ على بيض الخدود مطلّه
وسوا سوايا ما تجي في بالي = كسر حصون القلب ثم احتلّه
وحيلة فؤادي بالهجوم الغاشم = عن الحسد يذكر عليها "اسم الله"
حتى تعلت في مكان ٍ عالي = تبطي جميع الخلق ما توصلّه
وتربعت في "عرشها البلوري" = ياكبر حضه وقت ما تقبلّه
واصبحت ادور عن سبيل ارضاها = لو قالت لسطح القمر ارحلّه
قد كان طبعي فيه روح معاند = بس الهوا مقطوع ماله ملّه
ادرى زعلها والتجي واخافه = واخاف سيف الهجر يوم تسلّه
يعني تحت جميلها ورحمتها = اما تعقد الوصل والا تحلّه
مدام صارت كل شي بعمري = وعشقتها في كل يوم بحلّه
في "هرجها" وبل الحيا المتناشي = يحيي موات القلب يوم يعلّه
وفي "صمتها" لون الغروب الداكن = وحمار نار وزعفران ودلّه
وشلون انا ما احبها واغليها = وارفع مقام احساسها واجلّه
يازين "قوس عيونها" لا رضيت = وياشين لون الدمع يوم تهلّه
فديتها وقت الزعل ورضاها = "كذا مشالله" و "كذا مشالله"
واليا ازهمتني والغلا زاهمها = لبيتها وجبت الشعر مشتلّه
وقامت تنقى بالقصيد الراهي = هذا تغنا به وهذا خلّه
وانا اتسمع وش يبي خاطرها = ويحرم عليه هرجها ما ملّه
حبيتها حب ٍ سكني كلي = حتى غدا طبع ٍ معي وجبلّه
الفاتن اللي حسنها رباني = واللي نسبها ما يجي به خلّه
افرح بها لا طالعتني ساعه = وليا استدارت فرحتي منشلّه
واخذت عهد ٍ بالحياة وعشته = اني ما ارد الشور فيها لله
"نزهتها" عن عاذل ٍ يعذلني = وبعدتها عن "عالم ٍ منحلّه"
وتوجتها بالقاف واحلا اشعاري = حتى وصفوها ملهمة عبدالله
وفدّيتها قلبي وكل احساسة = تطبخ معاليقه وثم تزلّه


















توقيع : عبدالله عايد

سقطت تفاحة .. الجميع قالو سقطت تفاحة .. إلا واحد ! قال : لماذا سقطت !!

عرض البوم صور عبدالله عايد   رد مع اقتباس