سافرت ببحور الخيال وبنيت لي قصر منيف = لونته بألوان الغرام وعطرته بإحساس المغيب
بنيت قصري بعزتي ماهمني حكي سخيف = ومعي وصية والدي اللي من احساسي قريب
(( لايجذبك كذب ونفاق ولايخدعك زيف الوليف =لايأسرك حب الفلوس كلٍ من الله له نصيب
خليك دايم شامخه واختاري عزك لك وصيف = قلبك ذهب وأصلك ذهب وترى الغلا مافيه عيب))
يابوي قلبيي يملكه شخصٍ سما بوصفه مخيف = فيه الرضى بحر الأدب نظرات بالمعنى رهيب
عجزت احلل حالته هادي مثل طبع العسيف =يملك مقام اهل السمو يلبس ثياب اكبر اديب
مبهم له المنطق صعيب بين العباطه والظريف = مدري وش اسمه يايبه بس حيرة العقل اللبيب
حبيت وعمري ماندمت لأن المحب طبعه عفيف = اذا عطا عطا عطا مايبخل بحبه حبيب