الحــال طيـنـــه
شوفي الطفل قبل الملامح تدينه =ايه احكمي قبل النظر يجرح العين
الروح شعلة شوق .. والحال طينه=تكفين ردي وهج الايام .. تكفين
قلبي سواله جرح طرز سنينه=يا عاقله طال انتظــار المجــانين
قولي متى من نظرتك ترحمينه= يفهم رحيله في سما عشقتك وين ؟
عصفور حب ومنيته تفهمينه=مرفوض من كل الشجر والبساتين
ادري ملاك الحب داسوا جبينه=في عالمك كل الفرح للشياطين
لكن رجاك .. القلب لا تجرحينه =يا اعـز .. واخر ما بقى باختيارين
جاك بدوياً ما تبيه المدينه =يستحلف عيونك .. تبوق القوانين
عواطفه نهرٍ .. بايدينك رهينه= ومهما شربتي عذب الاشواق تظمين
قلبه .. سفر مل الدروب الحزينه=واحكايته تدمي خيال المزايين
وعذره قديم .. وحاولي تذكرينه =وعيونك الحلوه .. عيـونك براكين
للشاعر الرائع سليمان المانع