اقتباس:
المشاركة الأصلية كتبت بواسطة رابح الغضيان
سمـــو الرجــوله
بتصفح التاريخ وقراء افصوله=واهني الشعب السعودي بانسان
انسان ما مثله بشر بالرجوله=بسلمان صرح المجد والمجد سلمان
الشعر يفخر فيك لحظة نقوله=ورياضنا يفخر وتفخر بك أوطان
كلن له اطباعه ويتبع ميوله=وانت الشهامه تعشقك عشق خلان
خمسين عام ونجد عرضه وطوله=تحظى بامير الطيب والعز واحسان
خليتها جنة تجارى سيوله=وبنيت له في ذروة المجد مسكان
يمناك يمنى كل عالي تنوله=يمناك يمنى ما تقلد بالايمان
والجود من جودك تدرس اصوله=والعلم من مبداك ياخذ له اوزان
ابو الارامل واليتامى تعوله=اكفوفك البيضاء لهم دار واحضان
يمناك لفعل الخير دايم عجوله=كم مرةٍ مسحت به دمع يتمان
من أول حياتك يوم سن الطفوله=والعز بمحياك والمرجله شان
بليهان مثلك يرتكي للحموله=ولا فيه مثلك يا سلايل كحيلان
عقبك عود ٍ ماضيات فعوله=يا لله عسى قبره بروض ٍ من أجنان
عبدالعزيز الخير ساعة نزوله =نهجه على السنة وآيات قرآن
بطولته ما هي بأيا بطوله=الغرب يستنسخ من أفعوله ألوان
صبح على ريمه تصاهل اخيوله=وفتح رياض العز والعز له بان
ونادا المنادي معلن ٍ عن دخوله=بالرمح حررها وبالسيف شامان
واستبشرت امه تحرى وصوله=على الجهل عاشت قبايل وعربان
وصل بشير الخير على ذلوله=مثل المطر يروي ظمأ كل عطشان
غيثاً على الصاحب بساعة هطوله=وابل جحيم لمن تعنت وخذلان
وحّد شتات الشعب والتف حوله=وعقب العداوة صار أصحاب وأخوان
من حدود عرعر لليمن بايعوله=ومن راس ٍ تنوره الي غرب عسفان
شامت لبو تركي عروساًَ جفوله=بالسيف روضها على سرج وحصان
ثبت قواعدها ورسا اصطوله=رجل بناء دوله وشيّد لها اركان
زعيم حتى اعداه جو يشهدوله=كسب قلوب الناس للعدل ميزان
وساروا على نهجه عيالن ٍ صفوله = فرسان من فارس صواريم فرسان
وتوارثوا مجده رجال ٍ بنوله = دوله عظيمة يحسب لشانها شان
وبين الامم له وزنها ومحفوله = يضربها الأمثال للخير عنوان
حكامها شيوخ الجزيره شبوله = اخوان نوره قادة العز شجعان
آل سعود المجد عالي رقوله = بشعب ٍ وفي إيجاز الاحسان بحسان
والعاصمة بقيادتك شيدوله = أبراج من انجازك تشاهد بالأعيان
يا عل ما تفقدك دار ٍ تطوله = خليتها مركز ثقافة للاوطان
وياما على روس المنابر دعوله = وتضرعوا لله يحفظك رحمان
وبسم الولي وعداد من يركعوله = يحفظ مليك الخير من كل عدوان
ويا سيدي تملك سمو الرجوله = ولا خاب عود ٍ يوم سماك سلمان
أخوكم
رابح الغضيان
|
.
.
الفاضل .. الشاعر ..
رابح الغضيان
حللتَ أهلاً .. ونزلتَ سهلا
ومرحبا بكَ أخاً وصديقاً للجميع
.
.
مصافحة شامخة من شاعر شامخ لـِ رجل شامخ
أبيات تنزف وفاء وتبوح بالمشاعر الصادقة
لربِ إنها مديح في من يستحق حقاً
" والنعم في المادح والممدوح "
صح الله لسانك وفكرك وبوحك
في إنتظار الجديد
تقديري
هيــــاااا