اسهرت عين القلم حتى غفى الدفتر=وخيل القوافي تعب خيالها الماهر
السرج خالي ومات حصاني الاشقر=وغابت عن اسماع قلبي دقة الحافر
السيف طايح عسى ماشر يا ( عنتر )=ماهي عوايدك تغمد سيفك الباتر
من بعد ما كان سيفك باللقا مشهر=خاض المعارك وعود بعدها خاسر
حبر القوافي نضب من بعد ما نور=وبستان الاشعار ذابل ورده العاطر
سمعي قصر عن عتابك ليه مايقصر ؟=والعين دونك يعود طرفها الساهر
لو حاول يعاتب الاحباب ما يقدر=اثر الغلا يترك القادر ماهو قادر
اشوف مغربك مشرق . وايمنك ايسر=واشوف آخرك أول . واولك آخر
صارت عيوبك مزايا , والبلا الأكبر:=اني اشوف المزايا عيوب بالآخر
قلب منحك الغلا والحب ما قصر=ضمد جروحه وغنى ( لا متى صابر )
اغمدت خنجرك في شريانه الابهر=ونزعتها وانت في ليل الجفا سامر
ما اطيعهم لو حكوا عن غدرة الخنجر=الغادر اللي طعن بالخنجر الغادر
ملتك الاسفار من مهجر إلى مهجر=متى تبطل عن الأسفار يا مسافر ؟؟
يا ( قيس ) : طش الشداد و نوخ الضمر=( ليلاك )خانت , وراحت مع ( بني عامر )
الـــغـــريــــب
هذه المرة لم أستطيع إقتباس بيت دون آخر .................
فالقصيدة أتت مثقله بالروعة والجمال..............
كتبتها بشريان قلبك فارتوت ذائقتنا...............
قصيدة رائعة وجميلة.........
لا خلا ولا عدم........
صح لسانك وبانتظار القادم من إبداع...........
تحياتي الخالصة........