اقتباس:
المشاركة الأصلية كتبت بواسطة خلف الغريب
تحياتي للجميع ... وتقبلوا متواضعتي :
اسهرت عين القلم حتى غفى الدفتر=وخيل القوافي تعب خيالها الماهر
السرج خالي ومات حصاني الاشقر=وغابت عن اسماع قلبي دقة الحافر
السيف طايح عسى ماشر يا ( عنتر )=ماهي عوايدك تغمد سيفك الباتر
من بعد ما كان سيفك باللقا مشهر=خاض المعارك وعود بعدها خاسر
حبر القوافي نضب من بعد ما نور=وبستان الاشعار ذابل ورده العاطر
سمعي قصر عن عتابك ليه مايقصر ؟=والعين دونك يعود طرفها الساهر
لو حاول يعاتب الاحباب ما يقدر=اثر الغلا يترك القادر ماهو قادر
اشوف مغربك مشرق . وايمنك ايسر=واشوف آخرك أول . واولك آخر
صارت عيوبك مزايا , والبلا الأكبر:=اني اشوف المزايا عيوب بالآخر
قلب منحك الغلا والحب ما قصر=ضمد جروحه وغنى ( لا متى صابر )
اغمدت خنجرك في شريانه الابهر=ونزعتها وانت في ليل الجفا سامر
ما اطيعهم لو حكوا عن غدرة الخنجر=الغادر اللي طعن بالخنجر الغادر
ملتك الاسفار من مهجر إلى مهجر=متى تبطل عن الأسفار يا مسافر ؟؟
يا ( قيس ) : طش الشداد و نوخ الضمر=( ليلاك )خانت , وراحت مع ( بني عامر )
وسلامة قلوبكم |
الشاعر المتميز خلف الغريب
صح لسانك
واسمح لي ان اقف قليلا عندما اتصفح اي قصيدة تكتبها لنا
نعم اقف قليلا اجلالا وتقديرا لبحور قوافيك العذبه لكي نروي ظمانا منها
شاعر كبير وملفت للنظر
تحياتي وتقديري لك