بعد التحيه والسلام ...
\
/
\
هاجسي والحب بلوى وادري ان ألليل طال= والعشق مفهوم عندي والعرب مافهمته
والعنود اللي غلاها في خفوقي لايزال = ليتها لمت شتاتي في يديها وضمته
ماتركتني حايراَ بين الحقيقه والخيال = صرت مثل الحضرمي اللي مضيع شمته
ولو خفوقي ماعشقها من البعاد اليا الوصال = ما أضحي بنور غيره لجل اعيش بظلمته
اتفأل خير يومنه يجي منه اتصال = وهاتفي النقال لامن دق تحلى نغمته
رابعت شد الرحال اللي لها اشد الرحال = رحمت الله مطلبي وبعد ربي رحمته
واتعنى لاجلها لامنها قالت تعال = ومحول الجوال عالموجود قبل اصمته
ولاقبلت والليل قمرا وفي خفوقي كم سؤال = اتلعثم تقل هندي لاهرج مع عمته
واحاول اخفي ربشتي واميل بلبس العقال = ضعت مابين العيون السود ومبدا بسمته
يعلم الله مالقلبي عن محبتها مجال = وش عاد كان اصدوف بقعى من غلاها خمته
في خفوقي شرهت الظامي على العد الزلال = وفي خفوقي سلسبيلاَ مارواني جمته
اشهد اني من غلاها واصل حدود الهبال = والعواذل مابهم واحد يثبت كلمته
وكانه مصدق عذولي بقطع اطراف الجدال = ومانطقبه عاذلي يالله عساه بذمته