.
هات الورق يا صاحبي واسود اللون
وخل المكاين تشتغل للطباعه
الصدر له فوحٍ تقل فوح غليون
و اعجل ترى وقتي بقا منه ساعه
عاجل وحالاً ياصل الشيخ فرعون
نقاض عهد ودلعوه الجماعه
شيخٍ على اللي لا ومرهم يلبون
جماع مال وشاخ شيخة بضاعه
واليوم هو من بدت الناس مديون
مديون دينٍ فيه صعب الشفاعه
أسمه ظهر باللايحه والتلفزون
واخبار صحف اليوم غير الأذاعه
لاجله جنون الشعر جوني ايتتالون
أرحمهم اللي في عروقه قطاعه
يبون راسه مابها شك وضنون
وهذا جزا اللي مايحفظ الوداعه
لاجيت بابه دق حتى يردون
وخص الثعل لاصار حوله ضباعه
واهرج عليه وعلمه علم هارون
علمٍ يرجع موجته للرضاعه
ان كان ماهون عن اللي يقولون
والله لاغسله لين يطهر شراعه
لا قالك هاللون قل أييييه هاللوون
الوايلي شطب على اسمك وباعه
....