الرائع
سالم السيار
عسى مازعلتك البارح وزودت الجراح أجراح
عسى مامرت الدمعه على أهدابك من أسبابي
جرحتك من كثر شوقي وخليت ا لكلام أرمـاح
ولادري شلون يا عمري طعنتك حيل بعتابـي
بدون شعور صدقني ترى كثـر الغـلا ذبـاح
تعال وشوف بغيابك غـلاك شلـون سوابـي
حرام تغيب من عمري و تعطيني الفراق وشاح
حرام الدمع في عيني مناديلـه هـي أهدابـي
غيابك يشغل عيون الزوايا وأمتلـي اشبـاح
وأنا أنثر صوتك بقلب المكان و أشعل أبوابـي
تلفت للأمل دام الرجا فـي عمـري الملـواح
اناديلك ولو شرهة وصولك تقطـع أعصابـي
أبيك الجاي من عمري أنا مابيك شـي وراح
مدامك أجمل وأول وأخـر و أجمـل أحبابـي
أبي أرتاح ياعمري وأنا ادري هم تبي ترتـاح
تعال وقبل ما أفرح ترى تفـرح بـك ثيابـي
أحبك يابعد عمر الحـزن والجـرح والأفـراح
أحبك كثر ما نامـت عيونـك داخـل أهدابـي
مع الاعتذار للإسترسال بالأبيات
هيـــاااا