الـدار خلـوى والمفالـي مقافيـر
..............................وشد الرحال اهون علي من بقاهـا
عينـي حدتهـا كايـدات المقاديـر
................................واصبح خلفها في سعدهـا شقاهـا
شكيت من قـل الوفـق والتدابيـر
.................................والهقوه اللي ضيّعت مـن هقاهـا
وشكيت من جور البخوت المعاسير
.....................................اللي تخفـي غدرهـا فـي نقاهـا
وشكيت بلوىً مالها غيرنـا غيـر
......................................ياكم حضنها قلبـي وكـم وقاهـا
وشكيت من كثر العبـر والتفاكيـر
...................................ومتخالف الضيقات عنـدي لقاهـا
وعنتني الطرقه بطـول المشاويـر
........................................واللـي يهوِّنهـا علـي رفقـاهـا
احب اخـاوي كامليـن التشابيـر
.....................................اللي على الطـولات تبنـي هقاهـا
واطرح على قرب الرجال التباشيـر
..........................................واصـد عـن رديانهـا ومحقاهـا
وامشي على وضح النقا وين ماسير
........................................وخليت هفـوات الوطـا لعشقاهـا
ومن يمم العليا لقـى يمهـا خيـر
........................................ومن ضيّـع دروب القـدا مالقاهـا
..
للشاعر..خالد الزهيري