يا معديها على الحـق المبيـن
دون حقي مـا افـرط بشعـره
لله درك
*****
ادحم الماقف على الجنب المتين
واجتمع لاشفت نـاس مبعثـره
لله درك
*****
متزن واسعى لجمـع الغانميـن
علّني آخذ مـن الجمـع ثمـره
لله درك
*****
ماعلّي دين ٍ ولا اداعـي بديـن
اغلـي الجزلـة وادوّرهـا دوّره
لله درك
*****
كل طيب فـي لزومـي مايبيـن
اقعد ادور عـذر ليـن اعـذره
لله درك
*****
ومن كفاني شره وقولـه رزيـن
كّنـه مسـوي جميـل ٍ أذكـره
لله درك
*****
احذر العاقـل وادسـه للسنيـن
لكـن الجاهـل اكبـه واحقـره
لله درك
*****
وأفرح برجل ٍ معه علـم ٍ يقيـن
كاتم سـدوده وحافـظ مظهـره
لله درك
*****
واغلي الرجـال لا مـد اليديـن
للكرامه رغـم صكـات ادهـره
لله درك
*****
وأفخر برجـال لحميـاه عيـن
كل مكسور ٍ من الربـع اجبـره
لله درك
*****
وأنقد الرجال ابو ملسـن سنيـن
كان كل وادي على الدرب احدره
لله درك
*****
وأهمل الرجـال لاشفتـه يليـن
بـارد ٍ وجهـه ولافيـه انعـره
لله درك
*****
واكره الرجـال لابيّـن حسيـن
مير سوس الحسد والحقد انخره
لله درك
*****
واحقر الرجـال لاشفتـه لعيـن
شابع ٍ من طيب رجـل ٍ وانكـره
لله درك
*****
ودم ضرسي .. من نخوه الطيبين
بطيب يقدر له وجـاوب مقـدره
لله درك
*****
التجارب علمتني ليـن .. ليـن
قمـت اميـز بإنـدلاع الثرثـرة
لله درك
*****
عّلم جنبني اصـد عنـه يميـن
وش علي من الورق والمحبـره
لله درك
*****
دام ما بالسالفـة عّلـم ٍ سميـن
ما أناقش فـي علـوم امكسـره
لله درك
*****
أجعل إذن ٍ طين وإذن ٍ من عجين
في حضور اصوت خبث امعمره
لله درك
*****
السوالف بعضها مثـل الكميـن
تطرح الرجال وتجيـب اخبـره
لله درك
*****
ردها عني وقـل درس ٍ ثميـن
لعنبو رجال مـن غيـر اثمـره
لله درك
*****
والله ان اتفه رجـل يامسلميـن
من يسلم لحيتـه سلطـة مـره
لله درك
*****
الأخ العزيز والشاعر المبدع
بدر الحنيف
صح لسانك ...ولاهنت
على هالقصيده الشامخه والجزله
المليئه بالحكم والدرووس
والتي كل بيت منها بمثابة قصيده بحد ذاته
فالله درك ولا فض فوك على هكذ الأبدااع
دمت بكل خير
ودام هذا التميز والأبدااع
تقبل تحياااتي