مرحبا بالشاعر اللي هجسه الوافي سرابه = عد ماتلفظ حروف وعد ماترمش عيون
الرجال اللي تحفظ الطيب وتحسب احسابه = عكس منهم باالرجال الوافية يستهزئون
والغلابه لو يدور الوقت يامصلح غلابه = ماتساوت بالرجال اللي يفكون الديون
الشعر نزف المشاعر مايباع ويشترابه = ااااه ياقل الحيا بوجيه ناسٍ يسرقون
الزمان اللي كذا يامصلح النشمــي غرابه = والله اني ماهقيت تخيب في يوم الظنون
الثقة بالنفس عندي فوق مسطول الكتابة = والله اني ماحسبت مهايطة بعض العفون
ماعلية الذيب،،قالوا بالمثل حق الذيابه = علم واضح مااختلف والراس من فوق المتون
يشطحون وينقدون بعقل بعض احيان نابه = حق من قال الاوادم بعضها مايستحون
العصابه حقها محفوظ واهدي ياعصابه = والعرب لولا مجننها تبلاها الجنون
هاك كلمة واحدٍ لبس الفخر لبسة ثيابه = ماعليه من حثالة مجتمع مايفقهون