4071- أحلى ما في الكون قلب صافي ... يعزك فيبحث عنك ... يفتقدك فيسأل عليك ... يشتاقلك فيدعو لك ... تشغله الدنيا فيذكرك ...
4072- رضي الله عنك وأرضاك ويسر لك الخير حيث كان وحفظك من كل سوء
4073- نوّر الله قلبك بذكره ورزقك حبـهُ وأعانك على طاعته وأكرمك بجنته وبعثك مع النبي محمد (صلى الله عليه وسلم ) وجعل جمعتك مباركة
4074- اللهم ذكي نفوسنا وطهرها وإلى جنتك أوردها بفضل من عندك ورحمة أسألك يا رب باسمك الأعظم وصفاتك العلى أن تفرش لأخي درباً من نور وتجعل وجهه دائماً مسرور * جمعة مباركة *
4075- لو أعيش في دنيا غيركم يبقى حكم الدنيا قاسي أصلي من لحظة فراقكم قلبي عايش في مآسي ولما بكره تهل عيونكم تأتي من عمق المراسي برضوا يصبح ريدي ليكم شيمة من طبعي الأساسي
4076- قد نتلهى بمتاهات دروب الحياة الغريبة وقد تأخذنا تارة أحزانها وتارة أخرى أفراحها وقد يزداد سعينا وراء المجهول وتجرفنا أحلامنا خلف مساعي إدراكها ولكن يبقى فقط القلب محتفظاً بأعز أحبابه مهما تداركه الدهر وحاتك نحن نبقى تمام يوم تطرانا في بالك قلوبنا تغني في فرحة يوم يصلنا مرسالك نسأل كل يوم عنك نقول ياربي كيف حالك عليك الوعد طمنا بس قول لينا أخبارك
4077- بتستاهل يجوك الناس ويعمروا بالفرح بيتك يغنوا ليك غناوي الفال وتبقى البهجة عيديتك ويغرسوا ليك شتول الصدق عشان تسقيها حنيتك تنور بالجديد دنياك تكون حققت أمنيتك وتستاهل سلام من زول بعيد بتهموا عافيتك
4078- لو الريدة بالجبروت كان جابوها ناس عنتر ولو الحكمة في إيد زول قيس ما جن واتوتر ولو الدنيا أدت ناس نحن الدنيا أدتنا ولو في الدنيا ناس بتريد أجمل ريدة ريدتنا
4079- عندما يتوارث الناس روائع الأشياء أباً عن جد تكون الخصال بمعنى الأصالة والتهذيب الشفيف هكذا التقيناكم وهكذا أحببناكم حتى الإرتواء وتبوأتم في دواخلنا أماكن لا يدخلها إلا الملوك
4080- الكلام غلبوا المشي خايف يجيك يلقاك ملاك ما يبقى قدرك ويختشي لكن حروفي اتسربت هربت وجاتك تنتشي خجلانه ما تقول أي شي وهي عارفة أنك كل شي
4081- تهانينا تسابق أمانينا وأمانينا بلا حدوووووود القلوب بالفرحة تشارك والأيادي ممدودة تبارك كل سنة وانت طيب وربنا يحقق ليك كل الأمـــاني
4082- كلمة فرح من زول ولوف ممزوجه بي ريحة دعاش رويانه زي طين الجروف خجلانه من همس الحروف تسال عليك رغم المسافات والظروف
4083- يكون البعد مكتوب علينا وجنة هذة الدنيا التلاق ولكن إن طالت خطانا فهمس الحب والاشواق باق نسافرفي ماثينا ونقدو وفي احداقنا حب الرفاق تمازجه القلوب على ودادا بلا زيف خفي او نفاق
4084- اشتقت ليك لما الجفون تتلاقى فى لحظة منام اشتقت ليك لما الطيور عند الصباح بتقول سلام اشتقت ليك كل ما الدموع تنزل تفيض لحظة ملام اشتقت ليك يا اسما لوحة ومعجزة كل الكلام
4085- بسأل عليك لما السؤال يصبح سفر يلقاك في طيف الاماني الزايبه في رنة وتر ورعشة الامل البفوت يتلاشى في لون السحر مطوية في حضن النسيم مخفية في صدف البحر بسأل عليك لا ملت اشواقي السؤال لا ارتحته من تعب السفر
4086- اتخيل الزول يشتهيك ويخاف ويهرب من لقاك يخاف عليك من شوقو ليك ما شوقو اكبر من هواك ما ريدو ليك ما بتوصف ما روحو دايما مشتهاك ما قلبو غيرك ما عرف وما مستعد يعرف بلاك
4087- البيني بينك اكبر من قرابة ومن صداقة ومن نسب حاجه محفورة في مشاعري جوة في عمق العصب حاجة تديك الامان لما الزمان يصبح صعب حاجة تملا الكون سكون لما تشعر بالتعب
4088- حنان الدنيا ممزوج في عيون الإلفة والطيبين مراسي الشوق تودينا وتجيبنا على هوى الحلوين وهم ياهم وحات الله وحات الريدة مشتاقين
4089- القدر مكتوب مسطر وديمه نافذ امرو فينا ابقى لا تطع رسايلك وخلي مرسالك يجينا بيهو نطمن عليكم وتعرفو الحال العلينا
4090- حاولت اخدع نفسي واهجر حبي ليك حاولت امسك نفسي ما امشي واجيك ورحلت عنك وعن ديارك وهدمت كل امالي فيك وبرضي ما قادر اسيبك لما انساك بشتهيك
4091- خت في بالك الايام وإلفتنا وما تنسانا كان ساقنا الزمان قتنا مصيرو الدنيا تجمعنا ونجدد تاني شوفتنا ونجيب زهر اللقاء الحالم نزين بيه شرفتنا
4092- الم شوقفي واحاول اصبر ادور اتناسى عينيك احس بي قلبي في عيوني يقفلني ويطل فيك تفوت من زمني كم ساعات واقول افتر اخليك بخادع روحي مشتاق ليك وفي نسياني طاريك
4093- يا القلت انك ما نسيت وعدم سؤالك ما خصام لو كنا في خاطرك صحيح كان تقول حبة سلام يظهر عليك خلاص نسيت واهديت مشاعرك للغمام والما بيرجع بالوفاء ما اظنو يرجع بالكلام
4094- يا سلام لو كنت تعرف انت ايه بالنسبه ليه ما بقول ليك انت روحي احتمال اكبر شويه بس تأكد انو ريدك في الضلوع نيرانو حية ومستحيل في يوم حا تخمد طالما الدم جاري فيه
4095- اشتقت ليك واشتقته للحظه البتسرق عمرو كلو تجيبو ليك اشتقت للنجم البسافر في الخيال يرحل يجيك اشتقت والشوق مستحيل في دربو يتمرد عليك
4096- امانة الفرقة لما تطول يولع فينا جمر الشوق نظل صابرين ونحسب نحن في الايام سبت واحد كمان اتنين نفط الجمعه في الاسبوع نلاقي اليوم صبح سنتين نكورك في لهيب شوقنا ( اه ) والله مشتاقين
4097- انت اعمق من احبك وارقى من كل المرافي وبرضي عاجز لو ازيدك ديمة من عشقي الاضافي كل ما افكر في ريدك القى ريدي عليك خافي ما بقول عشقك ملكني والعيون فيها اعترافي
4098- يا سلام لو شفت حالى يوم تصل منك رساله افضل اسرح بين سطورة وافضل اتأمل جماله وابدا انظم فيك قوافي مافي زول قبالى قالة
4099- في الخاطر يؤرقني سؤال عن جملة احوالك وبسأل عن مواعيدك عوافي عليك وكيف حالك شغل فكري البعاد عنك وعز علي ترحالك دوام تلقاني مشتاق ليك اريت لو كنت في بالك –
4100- اريت لو شفته في غيابك عزابنا الكنا حاضننو وكيف الشوق لعب بينا وفضح كل المدارنو وراك ليل الشقا القاسي نساهر ونجمو عادنو نقول للنسمه بالاهات () الليله كيفنو
4101- نخا لو نتبع الاشواق تتوهنا وتتوه بينا ونخاف لو قلنا ما نشتاق وراك تضهب مراسينا وحاتك لا برحنا الشوق ولا مات العشم فينا-
4102- لو عرفت غلاوة صوتك كنت ما قصرت فينا كنا في راس كل ثانيه نلقى اسمك بين ايدينا تفرح الشاشة وتنور وتعزف النغمة الحنينه ويرجف الجوال ويكتب ديل عزاز اتصلو بينا
4103- وفي الختام بقول ليك : شكرا على زمنا سمح قضيتو في حضرة هواك عفوا اذا الايام قست ما سهلت روعة لقاك اسف كتير لو قلت ليك ما بقدر احيا واعيش بلاك عزرا إذا انقطع الكلام في صفحه ما نالت رضاك
4104- بتمنى ليك كل السمح تتعشى قراصة قمح لا تشوف عزاب لا تنجرح واتمنى ليك سعد العمر في اليوم كمان كيلتين تمر لا حسرة لا احزان تمر ويديك كمان طول العمر
4105- بستأذنك .. أنسج حروفك واحفظك .. داخل الدواخل وفي العيون وفي طلعة النور والصباح .. عشمان أقابلك وألمحك .. واكتب .. وبالخط العريض .. مشتاق كثير لـ طلّتك ..
4106- إذا جهّز الأحباب جيشاً من الجفا .. نصبنا لهم خيل الوصال كميناً .. نسأل عليك برق القبل .. ريحة المطر .. نسأل عليك كل النجوم .. نرجاك تهل بدل القمر.. نسأل عليك ضل الضحى .. وأطفال صغار.. متلمة في ساعة سمر..
4107- القدر مكتوب مسطر .. ديمة نافذ أمره فينا.. أبقى ما تقطع رسايلك .. خلي مرسالك يجينا .. بيهو نطّمّن عليكم .. وتعرفوا الحال العلينا .. يحمل أشواقنا ويجيكم .. وشوفوا كيف آثاره فينا ..
4108- انساك كيف وانت الوحيد الكل يوم بتذكرك وانت الخيالك في الخيال وانا بالي يوم ما ودرك بنساك لو شفت الشمس شرقت غروب بنساك لو ابليس قدر يرجع الى المولى و يتوب بنساك لو قالو البشر ممكن تعيش من غير قلوب
4109- مشاعرك تقوي صراع العواطف عيونك تؤانس تسامر تلاطف.. حضورك يثير الدواخل.. حضورك منايا.. برغم المسافة بحسك معايا.. همسك غنايا.. وبرغم البعاد .. خيالك روايا حضورك حكاية.. وبرغم المسافة عيونك معايا بترفض تغادر
4110- مدة مرت دون حروفك والعيون تشتاق تشوفك ليك في جوانا وحشة وحشة ما بتعرف ظروفك
وأخيراً.................... خلاص انتهينا............. يلا بعد كذا تقدرون تقرأون بمزاج وتعطوني رأيكم..............