كل عام وانتم بخير
اضع بين ايديكم هذه المتواضعه اتمنى ان تليق بمقامكم
ليت الأمل يمشي على مطلب الذات
..........................ويرأف بحال اللي صبر لجل يرجيك
في لحظة أشعاري دعتك أجمل أبيات
.......................... وانتـا تـمـادابـي وطـول تـغـلــيـك
ساعة تبي قربي و فرقاي ساعات
.......................... خايف يـمـل القـلب ويقول ما بيــك
دامــك تعيشه السعادة بحسرات
......................... ظنـك يـبـي يصبر عذابك ويـغـليــك
ياما كتم في داخله حـر جمـرات
......................... امن الكـلام اللي يجينـي ولا يجـيــك
أحيان أقول أن الهوى بعدكم مات
.......................... ودي أحسس حضرتك من تجـافيك
كـررتـهـا مــره ومـره ومـــرات
.......................... وانتي ولا كنـك سمعتيه يـشـكـيـك
تعـبـت أملـي خاطري بالمـسـرات
.......................... وبنات فـكـري استشفـن هـقـاويـك
تركتني في ليــل حزني وعــبرات
..........................ولا عدت أميز وين صارت أراضيك
امشي بلا يـمـه ترى هـذي أثبات
.......................... أني على فيـض المشاعـر أنـاديـك
لكن عرفت أن الزمن فيه عثرات
.......................... تبعد مراكب مارست فـي موانيـك
اليا اشتهت قامـت تناديـك بـسـكـات
........................ واليا قـسـت يمكن تشوتك وتنفيــك
واليا اشتهت ترفعك فوق السماوات
..........................واليا قـسـت حتى ولا تجيب طاريك
الله يسامح جنس حواء الـغـريبـات
.......................... تقطع على حبل المودة خـطـاويـك
أن قلت أبيها قالت الروح هيهات
...................... وان قلت ابسلى طاري الشوق يطريك
قلبي تحمل في محانيـك الآهــات
........................ اللي فقـد له حاجـة ً كيف يـعـطــيـك
يا للي فؤادك صوب من يعشقك مات
....................... بفعالك الله يا بن الأجـواد يـجــزيـك
حتى القصيدة عاشت بجـو حسرات
...................... ماتت مشاعرهــا مع أحساس مغليـك
من غبت ما باقي معي غير الأبـيات
..................... والله يـصـبـر قـلــب مـتــعـلــق فــيـك
...................
وسلامتكم