السلام عليكم ورحمة الله
مشاعر آمل أن تقبلوها كما هي
ولقلوبكم الود والمحبه
لاحرمكم الله الأجر
وغفر لنا ولكم كل وزر
.....
....
...
..
.
ودعت جلعود المكـارم وأيقنـت=بأن القدر لابـد يـوم(ن) يجينـي
رضيت بالمكتـوب وبالله آمنـت=اللي كتب وقـت المنايـا يعينـي
وش حيلتي يانفس لامـن تكفنـت=وش حيلتي يوم النعش يحتوينـي
وش حيلتي لاحـل يـوم وتبينـت=في مسجد(ن) ماتبصر الناس عيني
وش حيلتي لانزلوني وتيمنت=ثم وسدوني طين من عقب ليني
من بعدها صفوا اللبن عقب مابنت=ثم سكروا الفرجات بلبن(ن) وطيني
وهلوا علي ترابها عقب ماكنت=حي(ن) مع الحيين قبل اليقيني