الله يعطيك العافيه اخوي سعود
دائماً متميز
أستلم أحد وريقاتي القديمه ....
يازين جيتك من ديارٍبعيده =جيتك وفيني هالمشاعر تناديك
ودي بقربك لوللحظه وحيده=ودي ولو لحظه حبيبي احاكيك
واكحل عيوني بنظره سعيده = ويرتاح قلبٍ دايم الدوم يغليك
جيت ولقيتك ذومشاعرحميده = وحساس مرهف ياعسى الرب يحميك
وصارت حياتي ياحياتي جديده= من يوم شفتك والشعر كيف كاسيك
شفت الشعريلمع بلمعه فريده = وغصبٍ على يا فاتني كنت اراعيك
غصب علي يازين ولاهي مكيده = بمتع النظرات لحظه وخاويك
واعرف ترى فرقاك والله شديده= ولا قوى على بعدك ولاني بناسيك
بعَدك تصير الحال والله زهيده= وتصبح ترى الجاني وروحي تعاديك
واعيش في نارٍتراها وقيده = من يوم ماودع نعومة اياديك
واتصير عندي والله اعظم فقيده= والقلب اول من يقدم تعازيك
اصبحت في جسمي تمثل وريده = بالله قلي كيف بقدر اخليك