حبيبـي كاشـخ بروحـه
فديت أخطـاه و مزوحـه
فديت اسمه قبـل رسمـه
كلامه / ضحكته / روحه
فديـت أصغـر تفاصيلـه
غموضه / قمة وضوحـه
عنـادٍ يـجـري بـدمـه
دموع ٍ تهـدم صروحـه
حلاتـه لا بغـى يكشـخ
و لـوّن للحلـى لوحـه
و كَجْوَل ثوبـه و خلـى
ثـلاث أزرار مفتـوحـه
و برمَة غترته ل أمسـت
علـى كتفيـه مطروحـه
و نـك نيمـه بجوالـه :
( مداوي بروحه جروحه )
و سكسوكتـه و عيـون ٍ
تنـام الليـل شلفـوحـه
و قلـبْ إن يـوم زعّلتـه
يصد و روحتـه روحـه
و شـي ٍٍ مـا بعـد قلتـه
عيونـي فيـه مفضوحـه
هذاك اللـي لجـل عينـه
أحب عيـال منفوحـه !!