تزعـل واراضيـك واتلـذذ بتزعيلـك
تبي الصراحه انـا مجنـون زعلاتـك
لاقمـت تبعـد وانـا اقـرب وادنيلـك
وامسك طرف غترتي وامش دمعاتـك
وتبدي تعاتب وانا كـل انتبااهـي لـك
ما اسمعك شتقول انا عيني على شفاتك
وتعيد حجيك وتفـرك حيـل منديلـك
وتخالطـت صـادق حروفـك بوناتـك
واحاول ارضيك ومدري منين ابديلـك
واحتار واذكـرك فـي بعـض زلاتـك
واسمعـك ماكتبتـه بـك واغنيـلـك
طاروقك اللي تحبـه واكسـر سكاتـك
واستسمحك واعذرك واسمعك واشكيلك
واتلهـف لبسمتـك ورد ضحكـاتـك