من اروع قصائد الشاعره ؟!
(( جاذبيه )) !!
الأمسيه؟ روعه .. وبينـي وبينـك!
أحـلا وأجمـل سابقـات امسياتـك
حضنت جمهورك وهـم حاضنينـك
ورقّص مسامعهـم لحـن مفرداتـك
ما شفتني؟ بالصـف الأوّل ، يمينـك
كرسي رقـم (7) وسَـط معجباتـك
جلست اناظر لـك وعينـي لعينـك
بـس آتحـرّى نظرتـك والتفـاتـك
ما ضعت عن عيني ولا قلت : وينك؟
ولا ضيّعك سمعي ولو في سكاتـك
يا جامع ابداعك ، وعقلك ، ودينـك
سبحان من زانـك وزيّـن صفاتـك
عشيّت عشاق الشعـر مـن سمينـك
و(مستشعر الشعّـار) يلقـط فتاتـك
ياللـي رصيـدك رافعـه معجبينـك
ذرّيت ملحك فـي نواظـر عداتـك
وعلّقـت بأعنـاق المـلا ياسمينـك
ومدّيت لأهل الـذوق سكّـر نباتـك
يا شاعرٍ عـاف الحسـد حاسدينـك
وحيّرت نقّـاد الشعـر فـي ثباتـك
كـن الجزالـه خاتـمٍ فـي يدينـك
من قبل لا تنطق :أبي... قيل جاتـك
تبي الصراحه؟ غرت من معجبينـك
وشلون لا صرت ابْوَسَط معجباتـك؟
وسلامتكم !!