[سعد النفج]

المشاركة الأصلية كتبت بواسطة سالم صالح

شفني على كف القدروالمقادير=اصارع اجراح الزمن في مكاني
اصبر على كثر البلا والمخاسير=واعن نفسي عن زعلها عشاني
ولاقول ليه وليه مامن تحاذير=ولاعدد اللي صار ماصار فاني
هذي مقادير الزمن والمناذير =نلقى بها ضوٍ مع الليل باني
ناسٍ تقول الشر وقولي عسى خير=بعض المواقف فيها كل المعاني
تنبيك لدروب الوفا والمناعير=وتبني قواعد من حديد المباني
حتى يصير العلم واضح بتسطير=وتدل دربك يم ذيك المواني
الماء قراح ولابه ايات تعكير=اشرب زلالٍ تل حبل السواني
مافات فات وصار عندي تباشير=ماهمني شخصٍ ابرمحه رماني
خليت عرفه لن عرفه بتغرير=ماهوصحيبٍ سد كل الاذاني
راعي مصالح ماله اليوم تقدير=دامه حقيرٍ ياجماعة وداني
الاقصيرٍلردى قدرة شعير=ضعيف نفسٍ كل ليله يعاني
بس الصحيح انه لعمري تباصير =درسٍ فهمته في علوم التفاني
هذي مواقف خيرولابه ابد ضير=تنْور طريقي في متاهة زماني
شفني جبل من سبتك ياعصيفير=سبحان ربٍ ملهم اللي كواني
هذا انا ابوسط كل الاعاصير =ثابت مكاني ماتزحزح كاني

سلامتكم -------------------راجيا ان تحوز على رضاكم

	سالم صالح شاعر له ميزاته و له مواصفات خاصه تجعلني أبحث عن هذا الاسم لأجد الجزاله والعزه والثقه بالنفس. قصائده مميزه كأنه تقول ( أنا من هواجيس سالم ). صح لسانك مليون و بإنتظار ابداع آخر...