،،
كيف ألبي .. نداءك .. والطواري خناق = دلّـني كيف اجيلك بس بأقرب طريق
أنوّر .. الدرب قدامي ترى الصبر شاق = والله اني لأجيلك .. يا العذاب الرقيق
لي متى والغلا ينبض .. وسيره معاق = والعيون أتلفت .. والمساحه تضيق
ودي .. اعطيك .. قلب ٍ لك شعوره سباق = جاك يقذف .. عتابه .. يشبه المنجنيق
كان تبغى العواطف دمها .. ما يراق = لمّع اشواق قلبك .. لين يعزف .. بريق
البدر : في شعوره ما يجيلك .. محاق = لا شمت من ينقــّنق .. وعذله نعيق
يا وصال ٍ حقيقي .. يا حقيقي فراق = ليتك .. بوسط قلبي .. لو ثواني تويق
انفتح كل باب .. ولا يضيق الخناق = وانت قشطه .. وانا صافي لبن .. وش يعيق ؟!
راحة الجسم .. ابدااا .. من ألذ المذاق = وطالما .. جينا .. لــ راحه .. فــالبقيه .. حريق
ابك . لولا .. الثقه صرنا اغتصاب .. وطقاق = قم .. وخلي خفوقك .. في خفوقي .. لصيق
دلّني كيف أجيلك .. والصبر ما يطاق = لا نموت بضما .. والبير .. (( ميّه )) .. دفيق
جيت اقود الرجا .. مدام فيه أتفاق = والنصيب الله يقوده .. بالجواب .. الدقيق
وان وصلتك .. غرام ٍ ضمني في عناق = خلـّني وسط حضنك .. من عذابي أفيق
دلّني كيف اجيلك .. والمشاعر .. وفاق = دلّني .. لا تماري .. بس بأقرب طريق .!!
بـــــــــــــــــــــــــدر ،،