لا
عاد تتعب لاجل لقيـاي ياخلـي=غسل يدينك مـن اللقيـا بصابونـه
صاحبك تالـي زمانـه وده مقلـي=ماعادله فالهـوا والعشـق ولحونـه
قلبه عزف عن مجال الحب بالكلـي=من هم الايام بان الحـزن بعيونـه
صايبه صايب وفيه امراض ومولي=حاله تغير علـى ناسـن يعرفونـه
وعقله من اسباب ظلم الوقت مختلي=وليا نوا علم حضه ينسـدح دونـه
عزي لمن عنه صار الحض متخلي=وضامته الايام حتى هـدت ركونـه
ياوقت ياوقت كم تاخذ كـم تخلـي=معاد خليت لاهل الطيب لـو لونـه
فيـك الدليلـه غـدا معـاد يدلـي=ضاعت علومه وجوة اللـي يدلونـه
من عقب ماهو دليله صـار يندلـي=والغبن يونس بوسط الكبد طاعونـه
عزمه من اسباب وقته صيب وانشلي=عليه وقته تغيـر واختلـف لونـه
هذا زمان العجب والنصب والذلـي=وبالمسكنه والتنكـر سـادت فنونـه
ياطيب من حاربه بالصاع والملـي=وباع الحياه الغشيشه واعتلا شونـه
واختار من بد كـل سجلـن سجلـي=سجل ديـن الهـدا للـي يحفظونـه
لا قام يشكر الاه الكـون ويصلـي=كنه ملك كل حاجه فى فضا كونـه
هذه القصيده للشاعر:مجول جلال المفاطي