السلام عليكم
مصافحة بعد إنقطاع لظروف خاصة
أمل أن تحوز على إستحسانكم و تقبلوا تحياتي
البروق تلوح والمنوه شمال=والديار محول وأرضه ناحيه
وقمت اهمهم وارتجي رب الخيال=يسوقها بامره على اهل الباديه
حيثها ديرة زحازيح الرجال=وساكنتها نورقلبي الغاليه
نور كل المملكه في كل حال=والجزيره وشرقها والشاميه
الغزل في غيرها عندي محال=حيثها بالقلب دايم باقيه
والشعر في غيرها ماله مجال=لوبغيت أكتب حروفه باكيه
ساكنه متمكنه بنت الدلال=في خفوقي له مباني عاليه
المسمّى بنت وافعاله مثال=من شبكها يعيش عيشه هانيه
وابشروا حظيت منها بالوصال=واتشرف واعترف للجانيه
إنها أجمل عروسه ولاتزال=في عيون الكل أجمل غانيه
أعترف شفت الملامح بالخيال=والفعايل من قرونٍ ماضيه
عشقوها أبطال وعياله أبطال=وكل مغرم ماتركها ثانيه
كامله بالزين ولله الكمال=وافيه بكل الخصايل وافيه
وان سألتوا عن غلا ذات الجمال=قلت عروقي بالمحبة ساريه
وكان قلتوا لي من شبه الهلال=الوايلية أظن إجابه كافية
مع أطيب تحية