اقتباس:
|
المشاركة الأصلية كتبت بواسطة صالح الجطيلي
مـــــاني معين خيـــــــــــر تصبح على خير
لنــــــــوم مـــــــا خلقت عيـــــــــون الذيابه
لبو فهد (مطلق النومسي )
|
مالك لوا يا السمي ؟!
البيت للشاعر (( خلف المشعان )) ؟!
والقصيده اسمها (( غيوم التعابير )) اللي مسمي عليها ديوانه الصوتي الاول ؟!
ماني معيّن خير تصبح على خيـر
للنـوم ماخلقـت عيـون الذيابـه
.....
اشـوف بعيونـي غيـوم التعابيـر
قامت تطشطش باالمعانـي سحابـه
.....
صبّت وصبّت ثم هبّـت اعاصيـر
ريـح الالـم هـزّ القلـم للكتابـه
.....
شيٍ يطيـر وشـي مـاودّه يطيـر
صار الورق عقب السكينه خرابـه
.....
حاولت ارمي هاالزعل وامتلى البير
وبعض الزعل احيان ماينحكى بـه
.....
وحاولـت ادوّر للخطايـا معاذيـر
كلما جبرت الجرح يكبـر صوابـه
.....
لا .. ماانعميت وقلتها دون تفكيـر
الكلمه اللـي قلتهـا .. قلتهـا بـه
.....
شخصٍ بعيني غير كل البشر غيـر
دون الصداقـه فيـه دم وقـرابـه
.....
ماعاد له حشمـه وقيمـه وتقديـر
من يوم كث بوسط عينـي ترابـه
.....
شيصير يعني لو يقولون شيصيـر
ماهمـنـي والله نـبـح الكـلابـه
.....
هي ثقّلت على النخل وقفة الطيـر
نفس السؤال الصعب يمكن جوابـه
.....
شيبان يومن سل سيفه على الزيـر
باالسيف نفسه سالم الزيـر جابـه
.....
مااظن باقي عقـب هـذي تفاسيـر
كل جرح يبرى غير جرح القرابـه