أمانه لاتخليني ,,, للشاعر / عبدالله الحجيلان
اقدم لكم هذه القصيدة الصوتية واتمنى ان تحوز على رضاكم
إلقاء : الشاعر والمذيع /فهد الهويدي
أمانه لاتخليني تر فرقاك مثل الموت = دخيل عيونك اللي هي عذابي لاتخليني
من اللي في مقامك بالغلا يالول ياياقوت = لك من عشقتك مانويت تطيح من عيني
غلاك اكبر مدينه في خفوقي والغرام بيوت = تجول بالخفوق اللي وجودك فيه يكفيني
عرفتك صوت ناداني هلا ياحي هاك الصوت = أنا لولا مخافة خالقي لاقول تحييني
فديتك ياعيوني0لا0فديتك يادلع ياتوت = بعمري والشعور اللي على بيتك يوديني
تخيلتك وانا سارح فمره وعتبرتك قوت = وشفتك فرحة ايام العمر والشوق وسنيني
بنيت بداخلي برج الوفا ماهو ببرج الحوت = حبيبي لو بقول أني مااحبك كيف يمديني
تعديت المراحل كلها خلة يفوت الفوت = تطمن بس لاباعتني الايام تشريني
فراق الحب مثل الموت0إلاوالله أنه موت = ولكن كان بعد القاك وافرح لايخليني
تحياتي لكم