مساااااااااااااؤكم ورد بنقاء قلوبكم وطهارتها
أنا مغرور ويحق لي أبا البس للغرور ثيـاب=مادام إني في هالليله أنا اللي مسهر عيونـك
نعم فيني غرور الكون وراسي للكبر طـلاب=يحق للراسي يتفاخر مادامه أشـرق بكونـك
مادامك كل هالليلـه وقلبـك يالغـلا سكـاب=وكل جنوني الأول غـدا هاللحظـه مفتونـك
وإنتي الأنثى بإحساسك وطاحت لك كبار ألباب=وإنتي السحر في طيفك وكل بـات مجنونـك
وإنتي الحلم في قربك وتدمع لجلك الأهـداب=وإنتي العطر في وردك وكل الزهر يحكونـك
وإنتي القطره العذبه وتفنى في حلاها ارقـاب=وإنتي يابريق الليل بظلمـة ترتجـي عونـك
وإنتي ياكمال الحسن وكلن من عيونه شـاب=وإنتي يابديع اللفظ وكـل حروفـي يرجونـك
وإنتي آآآآه ياإنتي ياأروع من مشى بتـراب=ياعز إرتقى شامخ وكل البيض مـن دونـك
لذلك إنتي كلك ياخرافـة عصـري الجـذاب=غديتي مستحيل بوقت ذاب بنشـوة فنونـك
مع هذا قريت فصول كل المصطلـح بكتـاب=وجيتك في شموخ إنسان ماينوي يرد دونـك
وأنا وحدي كسرت القاعده في منطق المرتاب=صميدع قلب وإحساسي يبعثر أعتى مجونـك
أشوف الكل بحضوري غدو في ساحتك غياب=وأنا وحدي فتى أحلام الجروح مداوي طعونك
نعم يافتنـة الدنيـا أبلبـس للغـرور ثيـاب=مادامي ياهنا عمري مسهر بالغـلا عيونـك
لكل من مر من هنا