اقتباس:
|
المشاركة الأصلية كتبت بواسطة صالح الضويحي
قلبي وليل البارحــه والهواجيس= عادن حـياتـي للوراء عشــرة اعــوام
سـرابي الهاجس لعهد امرؤ القيس= وذياب بن غانم وساجر وهـــمــام
وفكري شـدأ وأطـلق سراح المحابـيس= بأرض الخيال اللي لها رَز الاعلام
حـي السهر مادام نومي كوابـيس= وحي الخيال اليا اصبح الواقــع اوهـام
هذا الشقى ماهو جديد المراويس=مـعـنـا نـمــى وأهدى لنا ظـيـم الأيام
من يوم أبونا آدم همس بأذنـه ابليس= وحـنّا نشيل ذنوب وهموم وآثــام
واللي وضـع للكون عدل المقايـيس= له في تناقض صـنعـته شــئون واحكام
سبحان من بالنفس حـط الوساويس= ووضع لها حـرزٍ عن اضــغــاث الاحلام
من كـلّـفـك تيـقض جـروحٍ مداريس= وش لك بكســر الـعِـود من بعد الأصـرام؟!
حـنّـا بشـر دم0 ومشـاعر0 واحاسـيـس= كل الفوارق بـيـنـنـا بـصـمـة ابـهــام
|
الله الله الله على هالابداع
حاولت اقتباس اجمل الابيات ...
فإذا بي اقتبس القصيدة كامله مذيلة باسم المبدع صالح الضويحي
صح لساااانك مليوووون اخوي صالح
ويعلم الله انني وقفت طويلا امام هذه الشامخه
احاول الغوص الى اعماقها وجمع اصدافها وما اسعدني بالوقوف امامها
اعجابي الى اخر قطرة ابداع ايها المبدع
لك حبي وتقديري
تحياتي لك