قالوا تلقف قلت لاشك ملقوف=بس البلا قلبي يحب اللقافه
هذا وانا ماشفت شكله ولاشوف=مارالبلا قلبي يحبه وشافه
الصوت جاب القلب وفي حيه يطوف=صوتٍ حسينٍ كل علومه لطافه
ومن بعد وقتٍ صحت له قلت له روف=قال السلام ودوك كل الرافه
بس السموحة قلي اسمك من حروف=وقلي وعطني كل علوم الحرافه
قلت ابشري ياحي قلبي وملهوف=هذا الكلام وفيني مبطي لهافه
السين ساكن حبي العين والجوف=والفٍ معها جوحب وظرافه
والام مني قلبي اليوم مقطوف=والميم ماني مدور الا اقتطافه
وياحلوتي ماني بشاعر ومعروف=ولاني من اللي يدّعون العرافه
وماني من اللي لاقبل الضيف معيوف=بالصدرينزل منزله فوق اضفافه
والعاني اللي بلازمه دوم مكلوف=عندي دواه ولاله هم وكلافه
والطيب صعب وفيه طبات وحيوف=بس الوكاد المجد طعمه حيافه
وعندي نهاية لكل هرجٍ وموصوف=ياني الاول ولاابيع الوصافة
بس المهم ارضيت شفٍ لبو شفوف=الموت الاحمر رحت والله حسافه
ردت وقالت ابشر انتم لي ضيوف=خذ المكان وعندي حسن الضيافه
يوم اقبلت وقلت هذا هو الخوف=الله اكبر زين ذيك اللقافه