[حامد العيد]

احبتي00

هنا نزف جديد اتمنى ان يصل لذائقتكم

كل ما أرجوه ان تستمر قلوبكم بإحتضاني



0


0


وللغياب قصة قادمة


0


ادري خطايه كساني كنه ثيابي=وادري مقصر وجيتك يالغلا ساري

جيتك وقصة غيابك جرح يحيابي=ابي اغنيــه شوقٍ جفــف انهــاري

0


0


وقصة الغياب000


0

معقولة انك تعودتي على غيابي=معقولة بغيبتك ماني على الطاري

مدري ابيـن وله أو ابـدي عتـابي=بس الأكيد إن خفوقي تحرقه ناري

البارحه والغلا يرقص على أهدابي=دورت لك مالقيت إلا الفضا عاري


0


0


ولكن رغم قصة الغياب المفجعه سنتغني بالحب

لأننا قلوب لاتعيش إلا بالحب / للحب


0



ماهي بغلطة غياب الشمس ظلمات الليالي=ولا ذنب الطفـل قلـبٍ قد تولـع فـي غـرامه

الربـيع اللي حضن ورداتـه بكبـر وتعالي=ما ارهبه طعنات صيفٍ قاسيٍ صبح انتقامه

دامها/(كذا/ وكذيا)/ اقبلي/ يالله تعالي=لا يهمونك /مادام الوصـل/ نـوخ لـي مقامه

اطعني ليـل الجفـا داخـل صميمـه لاتبالي=اسحبي جنـون امنياتي بني بقلبـي خيامه

رقّصي كل الجروح اللي قست اول وتالي=داعبيها لين تغفـى وتهتنـي بأجمل منامه

اغرسي فوق الجروح الغافيه ورد اختيالي=بين هذا/ وبين هذا اتركي بصمـه وعلامه

اسكني داخل عيوني ولملمـي كل مابقالي=لملمي ذاك الشتات واحضني قلبي بهيامه

انثرينـي في غياهـب ليلتـك وقت اشتعالي=واجمعيـني لاتسلل خيـط صبحـك بالسلامه

اغمرينـي في حنانـك لاوصـل وقت ارتحالي=ازرعي داخل كيانـي من لياليـك ابتسامه

صامت بحضـرة جمالك ليـن بعـدك قـد بدالي=رحت اردد مابديتـه من كسـا قلبـي ظلامه

ابحــر برحلـة غيابــك بـس بعـــدك ماطـرالي=ينتهي كل الكـلام ويبقـى لصمتـي كلامه

ماهي بغلطات شمـس الحــب طعنـات الليالي=ولا ذنب الطفــل قلــبٍ راح تكسيـه الملامه



لقلوبكم النقية كل الشكر


حامد العيد