وفاه سمو الامير عبدالمجيد بن عبدالعزيز يرحمه الله
لها وقع التأثير في النفس .. ولابد للشعر من ترجمه ذلك التأثير
اليكم هذه المتواضعه
الله اقوى .. ضاق بي صدرن شمـالي =والشمالي ما يضيق - بيسر - صدره
ول ياعلمـ ن على غفــله لفــا.. لي =فزز القلـــب المشقا من مقـره
قمت اتمتم .. والتفت .. وافهق عقالي=وادري ان الفكر لو شوّش .. بعذره
ايه .. تو الحزن ماجا له مجالي =ايه .. تو الدمع ما يثنيه كثره
ضاق بالي اي وربي ضاق بالي=قلت ابخفي .. مار ما للعين قدره
الامير اللي ترك له قدر عالي =والله انه عاليـ ن ياناس قدره
ذاك ابو فيصل وله وصف خيالي=وان طريت المرجله .. للـــه دره
المعاق اليوم يصرخ ..( وش بقالي)=واليتيم يزيد حره فوق حره
عل قبره ..روضه وضي وضلالي =وعل له في جنه الفردوس جره
الله اقوى .. ضاق بالي عند غالي=والشمالي مايضيق- بيسر- صدره