عرض مشاركة واحدة
قديم 06/05/07, (12:14 AM)   المشاركة رقم: 1
المعلومات
الكاتب:
ماضي الصبر
اللقب:
{ شاعر }

البيانات
التسجيل: 27/04/07
العضوية: 1658
الدولة: الرياض
المشاركات: 119
بمعدل : 0.02 يوميا
معدل التقييم: 56
نقاط التقييم: 50
ماضي الصبر يستحق التميز


الإتصالات
الحالة:
ماضي الصبر غير متصل
وسائل الإتصال:

المنتدى : منتدي الشعراء
افتراضي رد الشيخ الأديب الشاعر / عبدالله بن دهيمش بن عبار العنزي . على أحد أعضاء المنتدى

بسم الله الرحمن الرحيم

الإخوه الكرام أعضاء وزوار هذا المنتدى
السلام عليكم ورحمة الله وبركاته ..

يسرني ويسعدني أن أنقل لحضراتكم .. رد الشاعر الأديب / عبدالله بن دهيمش بن عبار العنزي
على قصيدتي اللتي وجهتها إليه والمعنونة ( أحكم وأبرشحك للوضع قاضي )

واللتي قال بها :




حي الصديق اللي وصلنـي قريضـه = يا مرحبا حييـت يالشيـخ ماضـي
ياشيخ هرج اهل القلـوب البغيضـه = لا تلتفت لـه هرجهـم دوم فاضـي
يا شيخ ترى اللي بخض المخيضـه = يدور زبده من رويـب الحماضـي
اشرب من الصافي وكب الخويضـه = واجعل بحلق اهل الضغاين شضاضي
حيص الزمل ما يوم تسمع جضيضه = لو ثقل حمل الحيص بالحمل ناضـي
واللي يبي شمل الرفاقـه شضيضـه= يستاهل الهلبـاج خـدم الحياضـي
عسى الردي ياطاه سكس العويضـه = عشرين طون حمولتـه بالمقاضـي
ومن لا عرف سود الليالي وبيضـه = ما ظنتي يركـب شـداد العياضـي
دام الطروش اركابهـم مستريضـه = ياجب يابو فيصل علينـا التغاضـي
والهيس ما يشكل علـي أتحريضـه = أيبس لحاضه قبل ييبـس لحاضـي
بعض العرب به سلم مذهب قريضـه = مذهب يهودي صدق ماهو أفتراضي
كيف الذي مثـل النعجـه الربيضـه = دلا يسـوي بالمجالـس ضواضـي
المدح يزها اهل الهـداف النهيضـه = باقدامهم يوطـون حـر الرماضـي
والضب ياكل مـن تقاشيـر بيضـه = خطير مـن قلـة نمـاه انقراضـي
والأرنـب الله بالشجـر مستحيضـه = في عصرنا لا شافها النمر جاضـي
الغلث بالنيبـان يعطـب عضيضـه = ولا يدرك الطوله بخيـل العكاضـي
ولا يصبرون اهل الجلود الغضيضه = ومن خاب تنزل قيمتـه بانخفاضـي
العذب يحلـو بالمشـارب لضيضـه = لا شك ما صفى الهماج اختضاضـي
أحمل تكاليـف الظـروف البهيضـه = وانجض شواتك عن نياها نجاضـي
والقلـب عـداد الثوانـي نبيـضـه = يقدح كما يقـدح شـرار الشواضـي
والكوبـرا ماظـن يسلـم كضيضـه = يجهز على من يقربـه بانقضاضـي
سبحان خلاق المـلأ مـن بويضـه = مصيرها لو ما حفضهـا الجهاضـي
قدمت لك من فن بدعـي عريضـه = ما دام رشحتن على الوضع قاضـي


















عرض البوم صور ماضي الصبر   رد مع اقتباس