[المسيكي]

صبحكم الله بالخير


يسرني تسجيل هالقصيده هنا ،،، عساها تعجبكم

راكـب الـلـي وان ركبـتـه كالهبـايـب=جيب شاص من الوكالـه معتنـي بـه
كنـه البـرّاق نــاض مــن السحـايـب=مـثـل حــرّ ٍ أشـعـل ٍ عـجـل ٍ هـذيـبـه
مايتقعـطـل والـدبـل عـــز الـركـايـب=إن همزتـه شـال بـك فــوق المنيـبـه
مـاتـهـمــه لارمـــــال ولا نـشــايــب=والمطـانـيـج الطـويـلـه والصعـيـبـه
مثـل حـرّ ٍ مرقـب ٍ فــوق الهضـايـب=ايتحـيّـز فـرصـتـه بـشــل القضـيـبـه
يانديـبـي خـــذ مـضـمـون الكـتـايـب=لاتـونّــا ثـــم تـبـقــى تـلـتـهـي بــــه
وصـل المكـتـوب عـجّـل بالمطـايـب=ودّهـــا لصويـحـبـي قـبــل المغـيـبـه
اره يــم العـيـن سـاكــن بالـرحـايـب=بين ضلـع وبيـن أرض ٍ لـه خصيبـه
قـلــه وش جـــاه يـبـطـي بالـنـدايـب=غـــاب عـنــي واللـيـالـي ماتجـيـبـه
فات لـي شهريـن اجروحـي عطايـب=كـنــي الـمـقـرود امـغَـربَـل نصـيـبـه
مايفيـد الـطـب مــع لــف العصـايـب=الـعـلاج صويـحـبـي يـبـقـى طبـيـبـه
جداي بالمرقاب فـي روس الجذايـب=أزعــج الـونّـات كـنـي فـــي لهـيـبـه
وجـد حالـي وجـد منهـو بالمصايـب=مـن هذيـك ليـا هذيـك لـيـا النشيـبـه
وجـد منهـو راكـب ٍ فــوق النجـايـب=قاصـد ٍ للـقـوم يبـحـث عــن طليـبـه
بــاذل ٍ الــروح مـالـه مــن قضـايـب=بـايـع ٍ للـعـمـر مـايـرضـى المعـيـبـه
وطاح بوجه القوم ماله من صحايب=وانـكـف الـغـزّاي الـلـي مــن قريـبـه
ماتـفـيـده لاشـكــاوي ولا ضــرايــب=وطالبينـه بــدم مبـطـي لــه سبيـبـه
فـــي نـهــار ٍ بالـشـدايـد والـكـرايـب=والسيـوف مصقّلـه وايـضـا حديـبـه
لا ياحـالـي مـثـل حـالـه بالكـسـايـب=صابـر ٍ والقلـب مـالـه عــن حبيـبـه
زيـن كلـه زيــن مـالـه مــن معـايـب=يجيـبـه الـخـلاّق الـلـي نلتـجـي بـــه

فهد عبدالعزيز السبيعي العنزي

،،،،،،،،،،،