انا اناني واعترف فـي غرامـك
حتى ابوك احيان مابيـه يقربـك
اهواك واحبـك واعشـق كلامـك
ودي اذا سولفت اكلـك وشربـك
غالي ورب البيت عندي مقامـك
من زود حبك داخلي ودي اضربك
شايف هيام الناس ربـع بهيامـك
يعاف غيرك من تركهـم وجربـك
تعال ساكت منك يكفـي سلامـك
وانا بقول احلى غزل فيك وطربك
ترقص عروق القلب يوم انضمامك
قلبٍ يحبك وسط الاعماق سربـك
يكفيني اول شخص حاز اهتمامـك
الله يبيض وجـه حبـي معربـك
ناظر عيوني من الغـلا ماتنامـك
واذا غفيت اسرقك فيها وهربـك
لو هو بكيفـي احتويـك بغرامـك
لاتقربك امك ولا ابـوك يقربـك