ياعين غلطانه وياقلب غلطان
ماللبكى والحزن والضيق داعي
عوايد الدنيا مواصل وهجران
هذاك مستانس وهذاك ناعي
لولا الرجا ماطابت ايام الانسان
تمضي حياته من ضياع لضياعي
من عاش مثلي بين رغبه وحرمان
يلتاع من فعل الحياه التياعي
عز الله اني لا تذكرت ماكان
طويت في بحر المحبه شراعي
يافلان من يستاهل الحب يافلان
مادام خلق الله هواهم صناعي
قامو يسومون المحبه بالاثمان
مافيهم الي للعواطف مراعي
باغض طرفي عن نظركل فتان
حتاه مايلقى لقلبي مساعي
واعيش في الدنيا لحالي علشان
ماتبكي عيوني نهار الوداعي