الشعر سبك وحبك يحتاج ماهر
ماكل من يظهر للإعلام شاعر =ولاكل من يكتب قصيده بقصاد
كم واحدٍ يمسي على الشعر ساهر=يحاول على صيد القصايد ولاصاد
الشعر سبك وحبك يحتاج ماهر=يغوص في بحر القوافي ويصطاد
اخذ من الاغراض اقطف واباهر=شاعر غزل شاعر رثا شاعر ارشاد
استخلص الالماس واخذ جواهر=واكتب ذهب واركب على كور وشداد
اصخر القيفان فيها وافاخر =اختار انا الابيات وازيد وازداد
الشعر به حكمه ومفهوم زاهر =والبيت مايبنى بلاطنب وعماد
الشعر واقع فيه نبدي مشاعر=نارد على بحوره ونشرب ونرتاد
الشعر ست بحور كل بحر وافر=بحر صخري وهلاليٍ فيه نشاد
بحر صخري هزان فيه يتفاخر=محسن صليب الراي بحره وبه شاد
والقلطه اللي صيتها دوم ظاهر =والرجد ومروبع وحداء الاجداد
وكثير من يخطي بشعره يجاهر =ومن ماستفاد من الخطا منه مافاد