دخوولي :
/
سلام يا وجه السحاب الممتلي ضيقـه سـلام
تسليمةٍ تسبـق زواريـق البحـور وشطهـا
جيتك وفي صدري غلا وأقفيت في صدري كلام
هاك السنه يوم أن روحي حب غيرك شطهـا
واليوم لا والله ما جيتك علـى سلـك الغـرام
الا أن روحي خطك الماشـي موافـق خطهـا
تعـال والدنيـا معاذيـر ومطاليـب ووئـام
ورسالةٍ يامـا تعبـت أقـول : لبـا خطهـا
تعال صبحٍ ما يفوقه صبح .. مليـت الظـلام
رجل الامل على رقبة اليـأس تكفـى وطهـا
خذ جاك قلبي يا بعد قلبي ويـا مـال الرحـام
حقوق غيرك شيلها .. وحقوق حبـك حطهـا
فداك برد الظل وأسـراب القمـاري والحمـام
وبحيـرةٍ نسمـة شجاريهـا تداعـب بطهـا
المنظر اللي يا مسولف به علي من كم عـام
فالذاكـره والذاكـره عنـدك بحلمـك غطهـا
لاياخذك ما ياخذ السارق على المـال الحـرام
تجـارب الايـام خطـوه فوضويـه نطـهـا
خل السوالف يا مطر قلبي على ظهر الغمـام
قلوبنا ضميّا ولحم الحب جاهـز لـالطهـى !
/
للشاعر : خالد العتيبي
/