الاخوه الاعزاء رواد واعضاء منتدى ويلان اضع هذه القصيده المتواضعه بين ايديكم وارجو ان تنال استحسانكم
الشعر واهس والمواقف رجاجيل = ومعنى الرجوله من معاني هدفها
ولاصارت الفكره مثل مهرة الخيل = ان طاوعت بالطيب والا نعسفها
والطيّبه تبغى صبورن وحلحيل = وان مامشت له بالرضى يختطفها
وهذا زمانن منه شفنا الغرابيل = طيب العوايد كلبوها نسفها
لاوالله الا راح جيل وظهر جيل = ناسن صراحه ماتمثل سلفها
وياقلب لاتحزن على مايل الميل = وبعض المواقف لو تضايقك طفها
وحنا من الموجز نعرف التفاصيل = ناسن نسجلها وناس نحذفها
وياقلب ريّح خل عنك التعاليل = ومجالسن فيها تكدرت عفها
مجالسن تجمع هل القال والقيل = ونمامتن سبل الغلط تحترفها
وشعاد لو ساقو بها غالي الهيل = مادام نقال النمايم ولفها
ناسن سواد قلوبها كنه الليل = متميزه باشكالها وتعرفها
حرام ليديهم تصب الفناجيل = ناسن على القاله تطوّح غدفها
لو مالهم بالهرج كله محاصيل = مافيه قاله مايجون بطرفها
ولو الحقيقه كنها نجمة سهيل = لاجاك عطشان السوالف حرفها
ناسن سياستها نفاقن وتمثيل = الله يلعنها ويلعن جدفها
تحياتي( سعد سيف )