[سلمان الردسا]

المشاركة الأصلية كتبت بواسطة طلال معيض

قصيدتي بين اعينكم لكم حق التعليق والنقد
[]الصــــــاحب اللي مانفع حزة الضيق00ماعـــــاد ابـــي له صحبةِ اورفاقه
دامه تركنـــــي يوم انا بنشفة الريق00يلعن ابوها كــــان هـــذي صداقه
كثرة همـــوم وحمل اقوى من طويق00اهـون علي من نخوة اهل الحماقه
امــــــوت عــز ولانخــــيت المطافيق00وإذا حــــــييت احيا بلحـــظة فراقه
ماقـــدر الخــــــوة ولابه مــــــواثيق00يقصــــر عن اهل الطيب مامد ساقه
كــــــــانه جمع ماله بكثر الصناديق00قافيه صـــــــــــندوقِ يشال برواقه
ماني بشـــــــــيخ ولا اعز المخاليق00انسان عادي فيه اصــــــــل العراقه
احب شـــــــي اسمه معاميل وابريق00ونارِ لياشــــــــــــبت تزيد اشتياقه
مع جلسة فيها الوجــــــيه المطاليق00اصغرهم اصـــــل الطيب داخل نطاقه
يفداهم اللـــــــــي كل ماروح يويق00اللي ان فاته هــــــــرج زاد احتراقه
واناحــــــشى لله منشي الصواعيق00ماني بكامل والزمـــــــــن به إعاقه
رزقان اشــــــوفه خان بوخيه رزيق00مع انهم اخــــــــــــوان رزقان باقه
شي يـــــــصير يشقق القلب تشقيق00ونشــــفق على ماضي زمنا شفاقه
يالله تسوق الساعه اللـي بها نفيق00إفــــــــاقة ماعقبــــــــها من إفاقه
ولاخاف دامي حي من نشــفة الريق00لاصــــــــرت خابر بالزمن لي رفاقه

اخوي طلال صح لسانك على هذه الابيات الجزله والمعبره 00000000000





وانت سطيت على الجرح 00000000000





الصداقه شي رائع لابد منه 000000000000






سجل اعجابي وتقديري




اخوك سلمان الردسا 00000000000000