السلام عليكم ورحمة الله وبركاته
ابيات جديده استلموها 
يانفس اجيبي عن سؤالٍ اببديه=منهو يانفسي يستحق العطيّه؟
بالله ردّي لي خبر قولي وشفيه؟=اذا هديت الروح وصارت هديّه ..!
قالت وهي متعومسه:فيه مافيه=وانتي على هونك وداري عليّه
قولي لي اول منهو اللي بتعطيه ؟!=يابنت شكلك ناويه لك بنيّه
اخذي جوابٍ واضحه به معانيه=لاتخسريه اليوم صرتي ضحيّه
حذرا من اللي يبتعد لابغيتيه=وحذرا من اللي يعلمك بالخطيّه
لاتتبعي يابنت راعي المشاريه =اللي كلامه يختلف في عشيّة
سرّك لاتفشينه على العالم اخفيه=ترا حياة الناس هون وأذيّه
ومن لايحشمك يالغلا لاتحشميه=عدّيه مثل البربري والمطيّه
لاتتركين القلب بردان دفّيه =بقراية القرآن آخر وصيّه
انا معك يانفس باللي تريديه=باعاند الشيطان واقهر خويّه
نمشي بدرب الخير والشر نرميه=واللي يشرّف دربنا اهلين حيّه
ماتنحني هامتك للناس واحنيه=احنيه للي خالقٍ هالبريّه
بعد الكلام اللي حصل فيه تنبيه=رقدت رقده مطمئنه هنيّه
وسلامتـــــكم
مشاعر حالمه